- បទថា អនុមោទន មកពី [អនុ+មុទ+យុ] ប្រែថា "សេចក្ដីរីករាយតាម, ត្រេកអរតាម" , ដូចមានបទវិគ្រោះថា អនុមោទយតេតិ > អនុមោទនំ, ដូច្នេះ ម្យ៉ាងទៀតថា "ពាក្យជាគ្រឿងរីករាយតាម, ពាក្យជាគ្រឿងត្រេកអរតាម" ដូចបទវិគ្គហៈថា អនុមោទទន្តិ ឯតេនាតិ > អនុមោទនំ។ -ករណត្ថបុំ.
ប្រយោជន៍ ឬសេចក្ដីត្រូវការដល់កិរិយាធ្វើនូវពាក្យជាគ្រឿងរីករាយតាម (នូវអនុមោទនា)។ -កថាឥ. វាចាជាគ្រឿងពោលដោយសេចក្ដីរីករាយ,
វាចាជាគ្រឿងពោលនូវអនុមោទនា។ -កាលបុំ. កាលជាទីធ្វើនូវសេចក្ដីរីករាយ,
កាលជាទីធ្វើនូវអនុមោទនា។ -គាថាវណ្ណនាឥ.
កថាជាគ្រឿងពណ៌នានូវគាថាជាគ្រឿងរីករាយតាម។ -អត្ថបុំ.
ប្រយោជន៍ឬសេចក្ដីត្រូវការដល់ធម្មកថាជាគ្រឿងរីករាយតាម។ -ធម្មកថាឥ.
ធម្មកថាជាគ្រឿងរីករាយតាម។ -អាវសាននបុំ.
កាលជាទីបំផុតនៃធម្មកថាជាគ្រឿងរីករាយតាម, កាលជាទីបំផុតនៃអនុមោទនា,
កាលជាទីចប់នៃ...។
- បទថា អនុមោទនា មកពី [អនុ+មុទ+យុ+អា-ឥ.] ប្រែថា "វាចាជាគ្រឿងរីករាយតាម, វាចាជាគ្រឿងត្រេកអរតាម, ដូចមានបទវិគ្គហៈថា.អនុមោទន្តិ ឯតាយាតិ > អនុមោទនា ដូច្នេះជាដើម។
-សរុបសេចក្តីរួមមក ពាក្យថា អនុមោទនា បើជានាមសព្ទ (ន) មានន័យថា "សេចក្តីត្រេកអរតាម, ការជួយត្រេកអរ, អំណរជាមួយ, វាចាសម្តែងសេចក្តីត្រេកអរ, ឬសេចក្តីរីករាយតាម"។ បើជាកិរិយាសព្ទ (កិ) មានន័យថា "ត្រេកអរតាម, ជួយត្រេកអរ, ត្រេកអរជាមួយផង, ទទួលអំណរ"។
-ឧទាហរណ៍ លោកអើយ សូមអនុមោទនា ! សូមអនុមោទនាបុណ្យទាំងអស់គ្នា....ជាដើម។
Comments
Post a Comment